ინტერვიუ ლენტეხის მერიის ჯანმრთელობისა და სოციალური დაცვის სამსახურის ხელმძღვანელ ხათუნა ლიპარტელიანთან.
- ქალბატონო ხათუნა, როგორც ვიცი, ლენტეხის მუნიციპალიტეტის მცხოვრებთა ინტერესი განსაკუთრებით დიდია სოციალური პროგრამების მიმართ, თუ რა სახის დახმარებების გაცემა ხდება, ვინ არიან კონკრეტული პროგრამების ბენეფიციარები ან რა დოკუმენტაციაა საჭირო ამა თუ იმ პროგრამაში ჩასართავად. სწორედ ამ დიდი ინტერესის გამო, გთხოვთ რამდენიმე კითხვაზე გვიპასუხოთ.
- ამჟამად რამდენი სოციალური პროგრამა ხორციელდება ლენტეხში და რა ბიუჯეტია ამისთვის გათვალისწინებული 2024 წელს?
- ამჟამად ლენტეხის მუნიციპალიტეტის ადგილობრივი ბიუჯეტიდან ხორციელდება 9 სოციალური პროგრამა, ამისთვის კი ბიუჯეტში გათვალისწინებულია — 235 000 (ორას ოცდათხუმეტი ათასი) ლარი.
- გასულ წელთან შედარებით, ხომ არ გაზრდილა სოციალური პროგრამების დაფინანსება ან რომელიმე ახალი პროგრამა ხომ არ დამატებია?
- დიახ, სოციალური ბიუჯეტი ყოველწლიურად იზრდება და გასულ წელთან შედარებით, წელსაც გაზრდილია. რაც შეეხება ახალ პროგრამას, მიმდინარე წლის განმავლობაში ახალი პროგრამა დადგენილებაში არ დამატებია.
- ზოგადად, ვინ ითვლება სოციალური დახმარების პროგრამის სამიზნე ჯგუფებად თქვენს მუნიციპალიტეტში, ვინ არიან თქვენი სოციალური პროგრამების ბენეფიციარები?
- სოციალური დახმარების პროგრამის სამიზნე ჯგუფებად ითვლებიან:
მძიმე ავადმყოფები, მრავალშვილიანი დედები, დაბადებიდან შშმპ, ვეტერანები, დევნილები, ხანდაზმულები, ეკომიგრანტები. - რამდენი სოციალურად დაუცველი ადამიანი ცხოვრობს ლენტეხის მუნიციპალიტეტში?
- ლენტეხის მუნიციპალიტეტში ცხოვრობს 2200 სოციალურად დაუცველი ბენეფიციარი.
- მაინც როგორ უნდა მივიღოთ სოციალური დახმარება ბიუჯეტიდან, რა დოკუმენტაციაა ამისთვის საჭირო?
- ადგილობრივი ბიუჯეტიდან სოციალური დახმარება გაიცემა შემდეგი დოკუმენტაციის საფუძველზე:
ა) განცხადება მუნიციპალიტეტის მერის სახელზე;
ბ) განმცხადებლის პირადობის მოწმობის ასლი;
გ) ცნობა ჯანმრთელობის მდგომარეობის შესახებ — ფორმა #100/ა, გაცემიდან 3 თვის განმავლობაში.
დ) ანგარიშფაქტურა სამკურნალო დაწესებულებიდან ჩატარებული მკურნალობის შესახებ, ქვითარი წარმოდგენილი უნდა იყოს სტაციონარიდანგამოწერის შემდეგ არაუმეტეს 60 კალენდარული დღის განმავლობაში;
ე) განმცხადებლის საბანკო ანგარიში;
ვ) მაღალმთიან დასახლებაში მუდმივად მცხოვრები პირის სტატუსის დამადასტურებელი დოკუმენტი; - დღეის მდგომარეობით სულ რამდენი თანხაა გაცემული თითოეული პროგრამის ბენეფიციარებისთვის?
- დღეის მდგომარეობით 350 ბენეფიციარზე გაცემულია 140 000 (ას ორმოცი ათასი) ლარი.
მარიამ ჯამბურიძე
